He orangarangi, he oranganuku

He aroha nā, he kōmanawa

Rurukuhia ki te wai whakaika, 

Ko te kawa Tangaroa, he atua!

He mātāpuna, he pukenga wai, 

He terenga ika, he paringa tai, 

Homai te waiora ki a au

Ki taiao nuku, ki taiao rangi 

Ka whakairihia te kawa

Homai te kauhou atua ki uta e!

Ko te matua o Te Kurawai he tuitui i ngā uaratanga o nehe ki ngā akoranga o tēnei ao hou, e hāngai pū nei ki te wai. Pēnei i te awa ki te moana, ngā roto anō hoki.

E puta ai ngā ākonga hei tauira o Te Kurawai ka whakawhiwhia rātou ki ngā tohu Taumata NCEA, he Diploma Taumata 4 rānei i tā rātou i pai ai, i whai ai. He whaitiwhikete te mahi:

• Raihana Taraiwa Motokā - Restricted 

• Te Tohu Oranga mā te Eke Ngaru 

• Kaitautoko i te taraiwa IRB 

• Ruku Moana - Tiwhikete ruku moana  

• Ngā tohu whakaora tangata 

• Tiwhikete taraiwa poti

• Tohu whaimātauranga taiao

• Tohu Kaiako Hākinakina 

• Ko te aronga he whakapiki ake i te māia, i te matatau o te ākonga i roto i tōna whakapapa, tōna reo me ōna tikanga.

• Ko te reo o te ākonga e puāwai ana ki ngā hua katoa o te wai. E mōhio ana rātou me pēhea te tautohu, te whakamāori hoki i tō rātou mātai i ngā tohu katoa i tōna taiao.